तितोपाटी – सडक दुर्घटनामा परि कुवेतमा फेरी एक जना नेपाली कामदारको मृत्यु भएको छ । पोखरा घर भर्इ २ महिना अघि मात्र कुवेतको आरमर कम्पनीमा क्लिनरको काममा आएका हरि बहादुर क्षेत्रीको अक्टोवर ५ तारिक शुक्रबारका दिन कारको ठक्करबाट ज्यान गएको हो । ३१ वर्षिय हरिबहादुर नेपालको ह्युमन रिसोर्स म्यानपावरमार्फत कुवेत अाइ कुवेतको अन्तर्राष्ट्रिय विमानस्थलमा क्लिनरको रूपमा काम गर्दै आएका थिए ।
ढिलो गरि प्राप्त खबर अनुसार फर्वानियामा कम्पनीको अावास गृहमा बसेका उनी अक्टोबर ५ तारिक बेलुका खाना खाएर बाहिर निस्केपछि कोठामा नफर्केपछी खोजी भएको थियो ।उनको मृत्यु बारे गत बिहीवार अक्टोबर ११ तारिक मात्र कम्पनीले जानकारी गराएको बुझिएको छ भने ।
नेपाली दूतावास कुवेतले घटनाको बारेमा पुष्टि गर्दै मृतकको घर परिवारलार्इ जानकारी गराइसकेको छ । उनी रातको समयमा रक्सी खाएर हिडेको र सोही समयमा कारले ठक्कर दिएको बुझिएको छ । मृतकको शव नेपाल पठाउन आवश्यक कानुनी प्रक्रिया पूरा भैसकेको र कम्पनीसँग समन्वय गरेर आवश्यक क्षतिपुर्तिको लागि पहल गरिरहेको बुझिएको छ । मृतक हरिबहादुरको घरमा ९ महिनाकी छोरी, श्रीमती रहेको बुझिएको छ ।
