तितोपाटी – एसियाका पूर्वप्रधानमन्त्री इभो सानाडरले युद्ध अपराध गरेको ठहर गरिएको छ । युद्धका समय पदको दुरुपयोग गर्दै राज्यकोषबाट अनियमितता गरेको ठहर गर्दै क्रोएसियाको एउटा अदालतले उनलाई सजाय दिनुपर्ने फैसला सोमबार गरेको बताइएको छ ।
पूर्वप्रधानमन्त्री सानाडरले सन् १९९० को दशकमा युद्धका नाममा राज्यको स्रोतसाधनको दुरुपयोग गरेको आरोप लगाइएको छ । अदालतले उनलाई साढे दुई वर्ष जेल सजाय र पाँच लाख युरो जरिवानासमेत तिराउनुपर्ने फैसला सुनाएको हो ।
तर, पूर्वप्रधानमन्त्री सानाडरले भने जेल सजाय अस्वीकार गरेका छन् । उनले सोही आरोपमा यसअघि नै जेल सजाय भुक्तान गरेको दाबी गर्दै फैसलाको पुनरावलोकनका लागि निवेदन दिने बताएका छन् ।
