युक्रेनको राजधानी किभ नजिकको माइला क्षेत्रमा रहेको सैन्य हतियार भण्डारण केन्द्रमा भएको रुसी आक्रमणपछि ठूलो विस्फोट हुँदा कम्तीमा ३७ जनाको मृत्यु भएको छ। घटनामा ४२ जना घाइते भएका छन्।
आक्रमणपछि गोदाममा भण्डारण गरिएका गोला–बारुद, बारुदी सुरुङ र ड्रोनहरू विस्फोट हुँदा व्यापक क्षति भएको युक्रेनी राष्ट्रपति भोलोदिमिर जेलेन्स्कीले बताएका छन्। उनले यस्तो हतियार भण्डारण केन्द्र आवासीय क्षेत्र नजिक राख्नु नहुने बताएका छन्।
यस्तै, किभमा भएको छुट्टै रुसी ड्रोन आक्रमणमा थप ८ जना घाइते भएका छन्। उद्धार तथा खोजी कार्य जारी रहेकाले मृतक संख्या अझ बढ्न सक्ने अधिकारीहरूले बताएका छन्।
