Tuesday 17th November 2026

कल्याणकारी-मुजैनी कप भलिबल प्रतियोगिता यहि जनवरी २६ मा महाबुल्लामा हुने


तीतोपाटी – “कल्याणकारी-मुजैनी कप २०२४” खुल्ला भलिबल प्रतियोगिता यहि २६ जनवरी शुक्रबारका दिन महाबुल्ला स्थित खेलकुद मैदानमा हुने भएको छ । नयाँ वर्ष २०२४ को अवसर पारेर सम्पन्न गर्न खोजिएको उक्त प्रतियोगित प्राविधिक कारणले नयाँ वर्षमा संचालन गर्न सम्भव नभएपछि यहि जनवरी २६ तारिक शुक्रबारका दिन कल्याणकारी नेपाली युवा समाज कुवेतको आयोजना र अल मुजैनी एक्सचेन्जको मुख्य प्रायोजनमा सम्पन्न गर्न लागिएको समाजका महासचिव आङ नोर्बु शेर्पाले तीतोपाटी डट कम सँगको कुराकानीमा बताए ।

भलिबल प्रतियोगितामा प्रथम, द्वित्तिय र तृतीय हुने टिमहरूलाइ नगद पुरस्कार, ट्रफी, मेडल र प्रमाण-पत्र सहित पुरस्कृति गरिने जनाइएको उक्त प्रतियोगितामा उत्कृष्ट टिम, उत्कृष्ट खेलाडी, उत्कृष्ट स्पाइकर तथा उत्कृष्ट लिबेरोलाइ समेत पुरस्कृत गरिने अायोजक कल्याणकारी नेपाली युवा समाजले जनाएको छ ।

प्रथम हुने टिमलाइ नगद २०१ केडी, ट्रफी, मेडल र प्रमाण-पत्र प्रदान गरिने जनाएको समाजले द्वित्तिय हुने टिमलाइ नगद १५१ केडी पनि ट्रफी, मेडल र प्रमाण-पत्र प्रदान गरिने जनाएको छ। तृतीय हुने टिमलाइ नगद ७५ केडी र प्रमाण-पत्र तथा चाैथो हुने टिमको टिम दर्ता शुल्क फिर्ता गरिने जनाएको छ ।

टिम दर्ता र टाइ सिट २५ तारिक बिहिबार हुने र टिम दर्ता शुल्क १० केडी रहेको जनाएको समाजले भलिबल खेलप्रेमी कुवेतवासी नेपाली दाजुभाइ तथा दिदीबहिनीहरू सबैलाइ खेलकुद प्रतियोगिता हेर्न महाबुल्ला खेल मैदानमा पुग्न हार्दिक निमन्त्रणा गर्दै अाफुलाइ मन पर्ने टिमलाइ हाैसला प्रदान गर्न र भरपुर मनोरन्जन लिन पनि सबैमा आह्वान गरेको छ ।

भलिबल प्रतियोगिता बारे जानकारी दिंदै कल्याणकारी नेपाली युवा समाज कुवेतका अध्यक्ष सुबास श्रेष्ठले भने, वैदेशिक रोजगारीका क्रममा कुवेतमा रहेका युवा वर्गलाइ कुलतबाट बचाइ स्वास्थ्य राख्न, श्रम गरेर बचेको समयलाइ सदुपयोग गराउनको निमित्त समय समयमा भलिबल प्रतियोगिता गराइ खेलको माध्यमबाट खेलप्रेमी युवा वर्गलाइ अनुशासित र मर्यदित बनाउँदै दर्शकहरूलाइ मनोरन्ज प्रदान गर्नको लागि समाजको नियमित कार्यक्रमको रूपमा यो भलिबल प्रतियोगिता आयोजना गरिएको बताए ।


सम्बन्धित शीर्षकहरु

जर्मनी, डेनमार्क, अस्ट्रिया, ग्रीस र नेदरल्याण्ड्सले सन् २०२७ देखि रवान्डामा आप्रवासी फिर्ता केन्द्र खोल्ने योजना सार्वजनिक गरेका छन्। यो केन्द्रमा…

अमेरिकी गुप्तचर निकायले इरानले अमेरिकी भूमिमै ठूलो आक्रमण गर्न सक्ने सम्भावनाबारे नयाँ सूचना प्राप्त गरेको जनाएको छ। उक्त सूचनाअनुसार इरानले…

आधुनिक भौतिक विज्ञानका केही महत्त्वपूर्ण खोजले ब्रह्माण्डको उत्पत्ति र अस्तित्वबारे नयाँ दार्शनिक प्रश्नहरू जन्माएका छन्। के ब्रह्माण्डमा देखिने असाधारण गणितीय…

प्रतिकृयाहरू
...