काठमाडौं,१८ वैशाख ।राष्ट्रिय स्वतन्त्र पार्टी (रास्वपा)को संसदीय दलको सचेतकमा निशा डाँगी नियुक्त भएकी छन् ।
रास्वपाको आज बसेको संसदीय दलको बैठकले सचेतकको जिम्मेवारी डाँगीलाई दिएको हो ।उनी समानुपातिक सांसद हुन् । डाँगी संघीय संसद्मा रहेका ३३४ सांसद मध्ये सबैभन्दा कान्छी सांसद हुन् ।रास्वपाको प्रमुख सचेतक भने सन्तोष परियार रहेका छन् ।
आजै रास्वपा ले संसदिय दलको प्रमुखमा सभापति रबि लामिछानेलाई चयन गरेको छ । उनको नागरित्ता काण्ड सँगै सवै पद गुमेको थियो । यसरी नै रास्वपाको आर्थिक विभाग प्रमुखमा डाक्टर स्वर्णीम वाग्ले चयन हुनुभएको छ ।
रास्वपाले सरकारलाई दिएको समर्थन फिर्ता लिई सकेको छैन । प्रचण्ड सरकारले रास्वपाप्रति लचिलो देखिएका छन । रास्पपाले सरकारमा जान परे गृह, अर्थ, स्वास्थ्य वा शिक्षा लगायतको मन्त्रालय को माग गरेको र सरकारको निति तथा कार्यक्रममा आफ्ना रिर्जभेसनहरु लाई समावेश गर्नु पर्ने दावी गरेको भन्ने समाचारहरु आई रहेका छन । रास्वपा संग संघिय संसदमा २१ सीट छन ।
