बि. आर. उप्रेती – स्थानीय तहको निर्वाचन २०७९ पछि विजयी व्यक्तिहरु आ-आफ्नो ओहोदा अनुसार कार्य संचालन गर्न लागि रहेकाछन् यो स्वभाविक हो । यस पश्चात् निकट भविष्यमा हुने संसदीय निर्वाचनको लागि राजनीतिक दलहरू सलबलाउन थालिसकेका छन् । आ-आफ्नो पार्टीबाट उम्मेद्बार बन्न बनाउन अनौपचारिक छलफल, टिकट पाउन कसरत, दौडधुप सुरु हुन थाली सक्यो होला ।
यसरी एकातिर राजनैतिक दलका अगुवा नेताहरू आउँदो निर्वाचनप्रति ध्यान केन्द्रित छन् भने अर्कोतिर जनताहरु पनि सोचिरहेका मात्रै होइन कुन कुन नेताहरू जनता र देश सेवक बन्न ठिक रहेछन् र कुन नेता भ्रष्ट रहेछन् जस्ता नेताहरूको क्रियाकलापको बारेमा गफ गर्दै निर्वाचनमा कसलाई मत दिने भन्ने जस्ता छलफल गर्छन् । हुन पनि हो । अब पहिलाका जस्ता जता मोड्यो त्यतै मोडिने जनता सोचेका होलान् त्यस्ता होइनन् अहिलेका जनताहरुले त धेरै कुरा बुझिसकेकाछन् । राम्रो, नराम्रो छुट्टाउन सक्ने भएका छन् । जनताहरुले कसरी मतदान गर्दा रहेछन् गत निर्वाचनमा काठमाडौका मेयर उप मेयरको निर्वाचनमा जनताको सहभागिता हेरौं न ।
तसर्थ नेता ज्युहरु आगामी निर्वाचनमा टिकट लिएर विजय हासिल गर्नका लागि अहिले देखि नै सोच्दै रहनु होला । यस भन्दा पहिलाको पदावधिमा मैले के कसरी पदावधि बिताए न केहि कमी कमजोरी पो छ कि यदि त्यस्तो भए जनताहरु समक्ष के भन्नु पर्ला, के गर्नु पर्ला बेलैमा आत्मालोचना या क्षमायाचना पो गर्नु पर्ने हो की आ-आफ्नो क्षेत्रका जनताहरुको मन भित्र बस्ने, जनताहरुको सुख दु:खमा छु भन्ने विश्वास दिलाएर मात्र आगामी निर्वाचनमा विजय हासिल गर्न सहज हुन्छ यसमा दुईमत नहोला । देशका विभिन्न स्थान कुना काप्चा, गाउँ शहर जहाँ पनि अहिले देखि यस्तै मात्र कुरा गर्छन् जनताहरु ।
—
बारा, नेपाल
