१)
गर्न पनि केही सकिएन, सडकमै बास छ जिन्दगी ।
छैन कुनै परिवर्तन उही पुरानो एकनास छ जिन्दगी ।
जहाँ लिए होलान् मिठो स्वाद ती हुने खाने जतिले
हुँदा खाने हाम्रो त यहाँ सधै आधा गाँस छ जिन्दगी ।
२)
जिन्दगीमा चाहे जस्तो, रंग आएन ।
उसको मेरो बिचमा, उमंग आएन ।
नगरेको हैन मैले जीवनमा कोसिस
म आफुलाई मिलाउने, ढंग आएन ।
३)
उसको निम्ति एउटा बोट फूल रोपेको ।
मुना टिपी दिन्छन् भनी हूँ नि छोपेको ।
हेर संसारकै नमूना फुल्यो सुन्दर फूल
र त! मैले उसको र मेरो नाम खोपेको ।
४)
मर्न त अरु नै रोगले नि मरेका छन कोरोना दोषी भयो ।
एक पछि अर्को लहर आयो र झन कोरोना दोषी भयो ।
यत्रतत्र सर्वत्र उधुम मचायो कोभिड उन्नाइस यो जातले
स्वासप्रस्वास नै रोकी मरे सारा जन कोरोना दोषी भयो ।
५)
अब हामी धरहरामा चढी हेर्नू पर्छ ।
के के भए विकासहरु पढी हेर्नू पर्छ ।
रानीपोखरी रेल तेल मेलम्ची आयो
हामीले त त्यो भन्दा बढी हेर्नू पर्छ ।
🔥🔥🔥🔥🔥🔥🔥🔥🔥
अग्नि सुनुवार-अबसु , सिन्धुली
