कोपिला १
मनमा लुकाएर पाप साँचेको हुँ मैले
घमन्डले मातिएर पहाड भत्काउन खोज्दा
आफ्नै हातको कुहिनो भाँचको हुँ मैले ।
कोपिला २
जल्दै गरेको चिता हेरेर भन
मान्छे तिम्रो घमण्ड कतिन्जेल टिक्ला
घरको भागवत् गीता हेरेर भन ।
कोपिला ३
मेरो माया सबैभन्दा पवित्र देखियो
अझै शङ्का किन गछ्र्यौ र तिमीले मलाई
एक्सरेमा पनि तिम्रै चित्र देखियो ।
कोपिला ४
कर्जा तिर्दातिर्दै घरको पुर्जा सकियो
तिमी हिम्मत नहार भन्छ्यौ म सक्दै सकिनँ
केही गर्न मनै छैन ऊर्जा सकियो ।
कोपिला ५
म ठिकै थिएँ मनले के गरिरहेको थियो
यता पीडाका थोपाहरू तप्पतप्पत चुहुँदै गर्दा देखेँ
खुर्सानीको बोटबाट शीत झरिरहेको थियो ।
श्रीकृष्ण शर्मा, पोखरा
