मुक्तक
१)
के भयो भएर हामी काली मनै त हो ।
नभने पनि बेलाबेला जाली मनै त हो ।
रूपमै के लाग्छौ पछि धोका हुन सक्छ
सक्छौ सिउँदो भर्न छ खाली मनै त हो ।
२)
जानिजानी नगर आनाकानी मेरो अगाडि ।
नभन सामुन्ने आई छु दानी मेरो अगाडि ।
आ आफ्नो कर्म अनि भाग्यको फल पाईन्छ
सुधार गर तिमी आफ्नो बानी मेरो अगाडि ।
३)
मनले सोचे जस्तो कहाँ हुन्छ हजुर ।
ममता भन्ने सस्तो कहाँ हुन्छ हजुर ।
दु:ख नै सुख हो विचार गर्नु यति नै
प्रेमिल माया कस्तो कहाँ हुन्छ हजुर ।
४)
मलाई माया जालमा पारी दियौ ।
धेरै माया गर्थेँ माया मारी दियौ ।
धोका दिदैछौ होला सोच्दै सोचिनँ
सत्य मेरो माया किन टारी दियौ ।
५)
कति छन् मनमा गुम्सिएका कुरा ।
सबै पूरा हुन्न वचन दिएका कुरा ।
कुरा एक जाल रचिदिन्छ अनेक
बिर्सन बाध्य आँसु पिएका कुरा ।
६)
कति हेप्छौ हेप अझै सहन तयार छु ।
आफुमा कुशल भन्ने शब्दमा निखार छु ।
मान्छे हुँ म पनि किन भन्छौ मुटु बिजाई
छैन यहाँ शत्रु अरु तिम्रो लागि भार छु ।
✍️नानिमाया सुनुवार,उदयपुर
हाल हरिवन नपा१०,सर्लाही
