तितोपाटी – आर्यन सिग्देल तथा साम्राज्ञी राज्य लक्ष्मी शाह स्टारर प्रेमकथा ‘कायरा’को प्रेमिल गीत रिलिज भएको छ।
फिलिपिन्समा छायाँकन गरिएको ‘सुखमा तिमीसँगै हाँसु’ बोलको गीतमा आर्यन र साम्राज्ञी समुन्द्री किनारमा रोमान्टिक अवातारमा देखिएका छन्। केतन क्षेत्रीको स्वरमा सजिएको यस गीतमा शब्द तथा रचना कोशिश क्षेत्रीको रहेको छ।
गीतको कोरोयोग्राफी प्रविण सिंहले गरेका हुन्।
आर्यन सिग्देल इन्टरटेनमेन्ट र आर एण्ड आर प्रोडक्सन को व्यानरमा निर्मित ‘कायरा’मा आर्यन र साम्राज्ञीका अलावा शिशिर राणा, हितेश शर्मा, सुरेश न्यौपाने, मरिष श्रेष्ठको अभिनय रहेको छ।
फिल्मका निर्देशक लक्ष्मण रिजाल हुन्। फिल्म साउन १८ मा रिलिज हुनेछ। अभिनेता आर्यन स्वयंमले लेखेको कथाका पटकथाकार भने केदार भूषाल हुन्।
