तितोपाटी- नेपालमा पछिल्लो २४ घण्टामा थप १ हजार ९ सय ४६ जनामा कोरोना भाइरस सङ्क्रमण पुष्टि भएको छ भने १३ जनाको मृत्यु भएको छ ।
स्वास्थ्य तथा जनसङ्ख्या मन्त्रालयका अनुसार देशभरि ८ हजार ७ सय ५३ जनाको स्वाब परीक्षण गर्दा सो संख्यामा सङ्क्रमित फेला परेका हुन्।
यो वृद्धिसँगै नेपालमा कोरोना पुष्टि भएका सङ्क्रमितको कुल सङ्ख्या दुई लाख आठ हजार नाघेको छ ।
हाm पुष्टि भएका ३६ हजार ४ सय ५२ जना सक्रिय सङ्क्रमित छन् ।
सरकारी तथ्याङ्कअनुसार शनिबारसम्म नेपालमा १ हजार २ सय १५ जनाको कोरोना भाइरसका कारण मृत्यु भएको छ ।
२४ घण्टाको अवधिमा थप २ हजार ५ सय ३ जना सङ्क्रमणमुक्त भएका छन् । हालसम्म १ लाख ७० हजार ६ सय ३२ जना निको भएको सरकारी तथ्याङ्क छ। सङ्क्रमितहरू निको हुने दर ८१.९ प्रतिशत रहेको छ ।
