हरि कृष्ण न्यौपाने- कुवेत सरकारले अगस्ट १, २०२० बाट कुवेत आउन खुल्ला गर्ने निर्णय गरे पनि नेपाल लगाएत ७ वटा देशको नागरिकलाई भने तत्काल कुवेत आउन प्रतिबन्ध लगाएको छ।
कुवेतबाट प्रकाशित द टाइम्स कुवेतले समाचारमा भनेको छ” कुवेत सरकारको ३० जुलाई,२०२० बिहिबार वसेको क्याबिनेट बैठकले तत्काललाई नेपाल लगाएत ७ देशका नागरिकलाई कुवेत आउन नपाउने निर्णय ट्विट मार्फत सार्बजनिक गरेको छ।”
यसरी अगस्ट १ तारिकबाट कुवेत आउन खुल्ला गरिए पनि तत्कालका लागि प्रतिबन्ध गरिएका देशहरुमा नेपाल, बंगलादेश, फिलिपिन्स, भारत, श्रीलंका, पाकिस्तान र इरान रहेका छन।
समाचारमा कहिले सम्म र किन यी सात देशका नागरिकहरुलाई कुवेत प्रबेशमा रोक लगाईएको भन्ने बारे केही जनाईएको छैन।
