तितोपाटी – म्याग्दी जिल्लाको सदरमुकाम बेनी देखी भकिम्लिी तर्फ जाँदै गरेको ग १ ज ७०५६ नम्वरको बोलेरो जिप हल्लेगौडा स्थित बारल्ना घुम्तीमा दुर्घटना हुँदा जिपमा सवार १४ जना घाइते भएका छन भने एक जनाको ज्यान गएको छ ।
उक्त बोलेरो जिप बुधबार साँझ ४ बजे घुम्तीमा ब्रेकफेल भई दुर्घटना भएको जिल्ला प्रहरी कार्यालय म्याग्दीले जनाएको छ । जिप सडक देखी झण्डै ७० मिटर तल खसेको थियो । निकै अप्थ्यारो घुम्ती र जिपमा क्षमता भन्दा बढी यात्रुका कारण दुर्घटना भएको हुन सक्ने प्रहरीले जनाएको छ ।
उक्त दुर्घटनामा परी गम्भीर घाइते भएका बेनी नगरपालिका ३ का बर्ष ५५ का रत्नबहादुर खत्रीको बेनी अस्पतालमा उपचारको क्रममा मृत्यु भएको बेनी अस्पताललाई उद्धृत गर्दै जिल्ला प्रहरी कार्यालय म्याग्दीले जनाएको छ । उक्त दुर्घटनामा घाइते मध्ये १२ जनालाई थप उपचारका लागि पोखरा लगिएको छ । भने घाइते मध्येका एक जनाको स्वास्थ अवस्था सामान्य रहेकी बेनपा ३ बर्ष ३८ की भुमिदेबी खातीको अस्पतालमा उपचार जारी रहेको जनाइएको छ ।
चालक बेनी नगरपालिका– ३ का यामबहादुर श्रीस मगर, बेनपा –३ बर्ष २५ का विशाल शाक्य ,उनकी श्रीमती बर्ष २२ की शान्ता शाक्य र छोरी बर्ष ३ की साइदा शाक्य ,बेनपा ३ बर्ष २० का इन्द्र बहादुर विक ,बेनपा ३ बर्ष ४० की ज्ञानकुमारी श्रीस मगर ,मंगला गाउँपालिका ८ का विक्रम सुनार , मंगला ३ बुद्धिसरा सुनार ,बागलुङ नगरपालिका ३ बर्ष २१ की मञ्जु खत्री , ,बेनपा ३ बर्ष ७१ डम्मर बहादुर छन्त्याल ,बेनपा ३ बर्ष ४५ का आइतराम विक,बेनपा ३ बर्ष ४५ की रुपा घर्तीै मगलाई पोखरा मनिपाल अस्पतालमा रिफर गरिएको छ ।
तस्बिर – मनकुमारीको फेसबुक वालबाट
