तितोपाटी- कपिलवस्तुको शुद्धोधन गाउँपालिकाका समाजवादी पार्टीका नेतामाथि बिहीवार दिउँसो गोली प्रहार भएको छ ।
कपिलवस्तुको लवनीबाट पकडी जाँदै गरेका समाजवादी पार्टीका शुद्धोधन गाउँपालिका अध्यक्ष अध्यक्ष रामनयन यादवमाथि अज्ञात समूहले दिउँसो २ बजे शुद्धोधन–६ टिटिरियामा गोली प्रहार भएको हो । टिटिरिया लुम्बिनी तौलिहवा सडक खण्डमा पर्छ ।मोटरसाइकलमा रहेका यादवलाई पछाडिबाट मोटरसाइकलमै आएका २ जनाको समूहले गोली प्रहार गरी भागेको जिल्ला प्रहरी कार्यालय कपिलवस्तुका प्रमुख दिप शमशेर राणाले लोकान्तरलाई जानकारी दिए ।
शुद्धोधन गाउँपालिका–५ हथिहवा निवासी यादवको हातको पाखुरामा गोली लागेको छ । उनको अवस्था भने सामान्य रहेको राणाले जानकारी दिए ।सामान्य घाइते भएका यादवको अहिले तौलिहवास्थित जिल्ला अस्पतालमा उपचार भइरहेको छ । नेपाली नम्बर प्लेटरको मोटरसाइकलमा आएका व्यक्तिले गोली हानेर भोगेको जानकारी घाइते यादवले प्रहरीलाई दिएका छन् । गोली प्रहार गर्नेको खोजी भइरहेको प्रहरीले जनाएको छ ।
साभार लोकान्तरलाई
