तितोपाटी – सुदुरपश्चिमेली नेपाली समाज कुवेतले २१ जुन २०१९ मा अतिथि कलाकारको साथमा दोस्रो वार्षिक उत्सव तथा अधिबेशन गर्ने भएको छ ।
सुदुरपश्चिम देखि रोजगारीको सिलसिलामा कुवेतमा आएका सुदुरपश्चिमेलीहरुले कुवेतमा कार्यरत नेपालीको सुख, दुखमा साथ र सहयोग गर्नुको साथै नेपालमा पनि दुखी, गरिब र असहायहरुको लागि उल्लेख्य सहयोग गर्दै आएको छ । सुदुरपश्चिमेली नेपाली समाज कुवेत प्रवासमा कार्यरत भएर पनि आफ्नो गाँस कटाएर दुखी, गरिब र असहायहरुको मलम पट्टी बन्न सफल भएको छ, भने आफ्नो सुदुरपश्चिमको कला र सस्कृती लाई पनि जगेर्ना गर्न महत्त्वपूर्ण भुमिका खेल्दै आइरहेको छ ।
सुदुरपश्चिमेली नेपाली समाज कुवेतले २१ जुनमा अतिथि कलाकारको साथमा भब्य र सभ्य रुपमा कार्यक्रम सफल पार्नको लागि अहिले देखि नै तयारी गर्दै गरेको सुदुरपश्चिमेली नेपाली समाज कुवेतका अध्यक्ष अमर खड्काले तितोपाटी लाई बताएका छन । नेपालबाट आउने कलाकार र कार्यक्रम हुने हलको बारेमा केही समय पछि जानकारी गराउने बताएका छन । उक्त दिनको कार्यक्रममा कुवेतमा कृयाशिल कुनै पनि संघ – सस्थाले कार्यक्रम नजुधाइ दिनको लागि पनि आग्रह गरेको छन ।
