परराष्ट्र मन्त्रालयबाट सरुवा भई शिव बानियाले कुवेतस्थित नेपाली दूतावासमा द्वितीय सचिवका रूपमा कार्यभार ग्रहण गरेका छन्। केही समयदेखि रिक्त रहेको सो पदमा बानियाको आगमनसँगै दूतावासको सेवा अझ प्रभावकारी र चुस्त–दुरुस्त हुने अपेक्षा गरिएको छ।
करीब १६ महिना परराष्ट्र मन्त्रालयमा सेवा गरेका बानिया १० दिनअघि कुवेत आइपुगेका हुन्। उनले हालैदेखि दूतावासमा औपचारिक रूपमा काम सुरु गरिसकेका छन्।
दूतावासले सेवा विस्तार र कुवेतस्थित नेपाली समुदायलाई सहज सुविधा उपलब्ध गराउन बानियाको भूमिका महत्वपूर्ण हुने विश्वास लिइएको छ।
