काठमाडौँ– डार्क बिन्स क्याफे तथा बरिस्ता तालिम केन्द्रले नारायण श्रेष्ठलाई जुलाइ २८ तारिख,२०२५ का दिनबाट ब्रान्ड एम्बेसडर नियुक्त गरेको छ। डार्क क्याफेले नेपालमै अन्तराष्ट्रि
य स्तरको बरिस्ता तालिम तथा गुणस्तरीय कफीको सेवा दिदैँ आएको छ ।
नारायण श्रेष्ठ लामो समय देखी कुवेतमा म्याराथुन प्रशिक्षकको रूपमा काम गर्दै सामाजिक अभियानमा जोडिदै आएका छन् । उनी म्याराथुन गोल्ड मेडलिस्ट हुन् । तीतोपाटी डटकमसँग कुरा गर्दै श्रेष्ठले भने,‘ विदेशको सीप र दक्षतालाई स्वदेशमा बाँड्दै गरेका युवा व्यवसायीलाई हौसला बढाउन पाउँदा खुसी लागेको छ ।’
दशक भन्दा बढि स्टारबक्स कफीको ट्रेनरको रूपमा अनुभव लिएका दिपेन्द्र बिष्टले प्रवासमा सिकेको ज्ञान, सीप र पुँजीलाई स्वदेशमै प्रयोग गर्ने गरी नेपालका युवा पिँढीलाई दक्ष बरिस्ता बनाउने उद्देश्यका साथ २०८० असारमा डार्क बिन्स क्याफे र बरिस्ता तालिम केन्द्र सञ्चालनमा ल्याएका हुन । बालाजु चोकमा अवस्थित उक्त डार्क बिन्स क्याफे र बरिस्ता तालिम केन्द्रमा अन्तराष्ट्रिय मापदण्डमा आधारित 
प्रशिक्षण पाठ्यक्रममा आधारित रहेर कफीको इतिहास, उत्पादन, प्रशोधन देखी ग्राहक सम्म पुग्दाका चरणहरू, कफी बनाउदा प्रयोग गर्ने उपकरणहरू, लाते आर्ट र विविध प्रकारका कफी बनाउन सिकाइने प्रशिक्षक बिष्ट बताउँछन् । उनी भन्छन्, ‘ कफीको ज्ञान मात्र नभएर तालिममा सञ्चार सीप, आत्मविश्वास बढाउने टिप्स, अन्तर्वार्ता तयारी, सम्भावित प्रश्नहरू तथा व्यावहारिक कुराहरूमा सुधार गर्न पनि मद्दत गर्ने गरेका छाैं । यहाँ तालिम लिने जो कोही पनि अन्तराष्ट्रिय बजारमा सजिलै प्रतिस्पर्धा गर्न सक्ने छन् ।’
करिव २ वर्षमा सयौँ युवालाई अन्तराष्ट्रिय स्तरको बरिस्ता तालिम दिई स्वदेश तथा विदेशमा काम गर्न सक्षम बनाएको डार्क बिन्स क्याफे र बरिस्ता तालिम केन्द्र बालाजु चोक, काठमाडौँमा रहेको छ । तपाइ पनि बरिस्ता तालिम वा कफिको स्वाद लिन चाहनुहुन्छ भने सम्पर्क नंम्बर ९७६१६५२६७७ वा ९७०८०९६२५५मा सम्पर्क गर्न सक्नु हुनेछ ।
