Saturday 30th August 2025

राष्ट्रप्रेमी बस्यालको हरियाली अभियान : कामाख्या मन्दिरमा लालीगुँरास


पाल्पाको तिनाउ गाउँपालिका–३ बसन्तपुरस्थित ऐतिहासिक कामाख्या मन्दिर परिसरमा सामाजिक अभियन्ता सुशिल बस्याल ‘राष्ट्रप्रेमी’को नेतृत्वमा लालीगुँरास रोपेर हरियाली अभियान सञ्चालन गरिएको छ । ‘एक घर, एक लालीगुँरास’ अभियानअन्तर्गत मन्दिर परिसरलाई हरित वातावरणीय सन्देशसहित अझ सुन्दर बनाउन प्रयास गरिएको हो ।

कार्यक्रममा वडा सदस्य टंक बस्याल, समाजसेवी सेरजङ थापा, मन्दिरका कर्मचारी र स्थानीयवासीहरूको सक्रिय सहभागिता थियो । वडा सदस्य बस्यालले “राष्ट्रप्रेमी बस्यालको यो पहलले गाउँमा हरियाली मात्र होइन, नयाँ पुस्तालाई पनि प्रकृतिप्रेम र संस्कृतिको महत्व सिकाएको छ ।

समाजसेवी थापाले वातावरण संरक्षण दीर्घकालीन जिम्मेवारी भएकाले सबैले हातेमालो गर्नुपर्ने आवश्यकता औंल्याए ।

अभियान्ता राष्ट्रप्रेमी बस्यालले “कामाख्या मन्दिर जस्तो ऐतिहासिक र धार्मिक स्थानमा लालीगुँरास रोपेर हामीले प्रकृतिप्रेम र संस्कृति प्रतिको सम्मानलाई एकैसाथ जोड्ने प्रयास गरेका छौँ । यसले हाम्रो धार्मिक पर्यटनलाई समेत सकारात्मक सन्देश पुर्‍याउने विश्वास लिएको बताए।

स्थानीयवासी र पर्यटकहरूले राष्ट्रप्रेमी बस्यालको यस अभियानले पाल्पामा मात्र होइन, आसपासका क्षेत्रमा पनि हरित चेतना र सामाजिक जागरणलाई नयाँ गति दिएको प्रतिक्रिया दिएका छन् ।
Sushil


सम्बन्धित शीर्षकहरु

कुवैत सिटी, अगस्ट २८ एक उच्चस्तरीय कारबाहीमा, कुवेतको आन्तरिक मन्त्रालयले मानव बेचबिखन र आप्रवासी तस्करीको आरोपमा ९के। श।० को रूपमा…

ओटावा, क्यानडा: भारत र क्यानडाले एकअर्काको राजधानीमा नयाँ उच्चायुक्तहरू नियुक्त गरेका छन् किनभने उनीहरूले कथित राजनीतिक हत्याको विवादमा शीर्ष राजदूतहरूलाई…

तितोपाटी- पाल्पामा स्क्रब टाइफसबाट एक बालिकाको मृत्यु भएको छ। उनकाे तीन दिनअघि उपचारका लागि तानसेन ल्याउँदै गर्दा बाटाेमै मृत्यु भएकाे…

प्रतिकृयाहरू
...