बिगत केही दिन देखि निक्कै चर्चामा रहेको पाल्ल्पा रम्भा गाउँपालिका वडा नम्बर ३ रिमिघा लेकमा भेटिएको जडीबुटी यार्सागुम्बा नै भन्ने पुष्टि भएकाे छ । डिभिजन वन कार्यालय पाल्पाले परिक्षणको लागि राष्ट्रिय विधि विज्ञान प्रयाेगशाला ललितपुरमा पठाएको थियो सो जडीबुटी परीक्षण गरेसंगै यार्सागुम्बा पुष्टि भएकाे डिभिजन वन कार्यालय पाल्पाले जनाएकाे छ । यार्सागुम्बा कति क्षेत्रफलमा भेटिएकाे छ भन्ने अझै एकिन हुन् सकेको छैन ।
यार्सागुम्बाकाे निकासी अनुमति वन कार्यालयले दिने प्रावधान छ । राष्ट्रिय वन क्षेत्रभित्र यार्सागुम्बा जडीबुटी भएकाे हाे । नेपाल सरकारले प्रतिकिलाे ३१ हजार रूपियाँ राजश्व लिएर सुचिकृत व्यापारीलाई यार्सागुम्बा बिक्री गर्छ । भेटिएकाे यार्सागुम्बालाई व्यापारीले नै ग्रेड निर्धारण गरेर बजारमा बिक्री गर्ने प्रचलन रहेकाे वनका कर्मचारी बताउँछन् । उता फाेक्सिङ्काेट क्षेत्रमा पनि यार्सागुम्बा जस्ताे जडीबुटी फेला परेकाे स्थानीयहरुले बताए पनि त्यसकाे भने पुष्टि हुन बाँकी छ ।
