प्रधानमन्त्री केपी शर्मा ओलीले राजावादीहरुलाई लक्षित गर्दै शहरमा हराएका मूर्ति र भाइभाराहरुको खोजी भइरहेको कटाक्षसहितको कविता सुनाएका छन् । मदन भण्डारी कला साहित्य प्रतिष्ठानले गरेको हिमवत खण्ड कला-साहित्य-संस्कृति सम्मेलनलाई आइतबार सम्बोधन गर्ने क्रममा ओलीले ‘अञ्जुलीभित्र सजाएर राखेको हिरा नेपाल’ शीर्षकको कविता वाचन गरे । उनले पूर्वराजालाई लक्षित गर्दै भाइभारा र मूर्तिचोरको आरोप लगाए ।यसअघि नेकपा माओवादी केन्द्रका अध्यक्ष प्रचण्डले पनि पूर्वराजा ज्ञानेन्द्र शाहलाई भाइमारा, मूर्ति चोर र सुन तस्कर भएको आरोप लगाएका थिए ।
ओलीको कविता
अञ्जुलीभित्र सजाएर राखेको नेपाल
यसको स्पन्दन केन्द्र मुटु काठमाडाैं
एउटा बृहत मिलन, सम्मिलन
एउटा सड्ढल्प सुवर्ण हिमवत्खण्डको
कथा- हाँगाबाट भुइँमा
भुइँबाट गुफामा, गुफाबाट यहाँसम्म
एउटा लामो यात्रा, यात्राको वर्णन !
प्रेम, घृणा, लडाइँ !
उन्माद,आर्तनाद !
कठिन तर गौरवको यात्रा
प्रेमपछि प्रेमको कथा हिमवत्खण्ड !
तर, समय फेरिएको छ
सहरले धेरै कुरा बिर्सिएको छ
नक्कल धेरै गर्छ, हल्लाका पछि कुद्छ
आजकाल शहरमा “काग काग” कराउँदै उडिरहेछन्
आफ्नै सभ्यता माथि बिष्ट्याइरहेछन्
ओहो भाषा !
भनभन ! साँचो झुठो
शहरमा खोजी भैरहेछ हराएको मूर्तिको
मूर्ति आफैं हराउँदैन, मूर्तिलाई हराउन मद्दत गर्नेको
खोजी भैरहेछ भाइमाराको
राष्टिय पकेटमाराको !
तानातान छ, गतिको रथ र पाङ्ग्राको
अघिल्तिर तान्ने कि पछिल्तिर तान्ने !
तर,
हिमवत्खण्ड अघि बढ्ने बाटो खोजिरहेछ
अघि बढ्ने बाटो खोजिरहेछ
अलि पर एउटा स्पष्ट गन्तव्य
सबै कुरा छोडेर त्यही छुन
एउटा यात्रा, एउटै गन्तव्य
एउटा यो सानो सम्मिलन
संकल्प सुवर्ण हिमवत्खण्डको !
-नेपालप्रेसबाट
