कुवेतमा आगामी जनवरी ३, २०२५ मा भव्य “नयाँ वर्ष तथा सांस्कृतिक धमाका २०२५” को आयोजना हुने भएको छ। किरात राई यायोक्खा द्वारा आयोजित यस विशेष कार्यक्रममा नेपालका चर्चित कलाकारहरू Chhewang Lama र Babina Kirati को मनोरञ्जनात्मक प्रस्तुति प्रमुख आकर्षण हुनेछ।
कार्यक्रम Aspire Indian School, Jaleeb मा बिहान ११:३० बजे सुरु हुनेछ। यस आयोजनाको उद्देश्य नेपाली समुदायलाई सांगीतिक र सांस्कृतिक उत्सवमार्फत एकत्रित गर्दै नेपाली कला, संस्कृति र परम्परालाई प्रवर्द्धन गर्नु हो।
कार्यक्रमको मुख्य प्रायोजकमा अल मुल्ला एक्सचेन्ज सहित प्रतिष्ठित संस्थाहरू रहेका छन्। कुवेतका प्रमुख मिडिया हाउसहरू मिडिया पार्टनरका रूपमा सहभागी छन्, जसले यस कार्यक्रमलाई थप प्रभावकारी र सफल बनाउन मद्द्त पुग्ने छ।
आयोजकले कुवेतमा बसोबास गर्ने सम्पूर्ण नेपाली दाजुभाइ तथा दिदीबहिनीहरूलाई कार्यक्रममा उपस्थित भई यसलाई सफल बनाउन हार्दिक निमन्त्रणा गरेका छन्। साथै, कुवेत सरकारद्वारा मादक पदार्थको सेवनमा प्रतिबन्ध रहेको हुँदा कार्यक्रमस्थलमा यस प्रकारको कुनै पनि गतिविधि नगर्न विशेष अनुरोध गरिएको छ।
