नेत्रविक्रम चन्द विप्लव नेतृत्व नेपाल कम्युनिस्ट पार्टी (नेकपा) को वैदेशिक भातृ संगठन नेपाली जनप्रगतिशील मोर्चा कुवेतको प्रथम अधिवेशन आगामी १० जनवरी २०२५ मा हुने भएको छ ।
कुवेतस्थित साल्मियाको गोर्खा किचनको सभाहलमा दिनको ठिक ११ बजेदेखि पार्टीको केन्द्रीय प्रतिनिधिको प्रमुख आतिथ्यतामा प्रथम अधिवेशन समाराेह हुने कार्यक्रम संयोजक शेर सुनारले जानकारी दिएका छन । कार्यक्रममा पार्टीको केन्द्रीय प्रतिनिधि आउने बारे भने अझैसम्म तुङ्गो नलागेको जनाएका छन ।
बैज्ञानिक समाजवाद प्रति आस्थावान कुवेतमा रहेका नेपाली श्रमिकलाई मोर्चामा आवद्द हुन समेत संयोजक सुनारले आग्रह गरेका छन । उक्त दिन हुने कार्यक्रममा कुवेतमा क्रियाशील नेपाली संघ – सस्थाका प्रतिनिधि, समाजसेवी, पत्रकार, कलाकार, खेलाडी लगायत कुबेतमा कार्यरत सम्पूर्ण नेपाली श्रमिकलाई उपस्थितिको लागि आयोजकले अनुरोध गरेको छ ।
