कुवेतमा घरेलु कामदारले जुलाई १४ देखि आफ्नो भिसा निजी क्षेत्रमा परिवर्तन गर्न सक्ने भएका छन्। यो अवधि सेप्टेम्बर १२ सम्म रहनेछ। अरब टाइम का अनुशार उपप्रधान, रक्षा, र आन्तरिक मन्त्री शेख फहाद अल-युसेफले घरेलु कामदारलाई निजी क्षेत्रमा स्थानान्तरण गर्ने नियमन गर्ने निर्णय जारी गरेका छन्।
भिसा परिवर्तन गर्न पुरा गर्नुपर्ने नियमहरू निम्न छन्:
– स्थानान्तरण वर्तमान रोजगारदाता (स्पोन्सर)द्वारा अनुमोदित (स्वीकृत) हुनुपर्नेछ।
– कामदारले हालको रोजगारदातासँग कम्तिमा एक वर्ष काम गरेको हुनुपर्नेछ।
-५० दिनारको स्थानान्तरण (भिसा परिवर्तन) शुल्क लाग्नेछ, साथै प्रत्येक वर्ष सेवाको लागि थप १० दिनार लाग्नेछ।
