शीत काव्य समाज नेपालको चौथो वार्षिक दिवस समारोह पाल्पाको तानसेनमा भव्यताका साथ मनाईएको छ ।
शीत काव्य समाज नेपालको अायोजनामा पाल्पा उद्योग बाणिज्य संघ तानसेनको सभाहलमा सम्पन्न कार्यक्रममा कृति लोकार्पण, समिक्षा तथा पुरस्कार प्रदान गरि सम्पन्न भएको हो । पाल्पा तानसेन श्रीनगर क्षेत्रमा वि.सं. २०७८ असार ७ गतेका दिन परिकल्पना गरिएको कविताको लघुतम काव्य उपविधा शीत सम्बन्धमा हालसम्म दर्जनाौ कृतिहरू प्रकाशित भएका छन् ।
शीकास पाल्पाकी अध्यक्ष इन्दिरा ज्ञवालीको सभाध्यक्षता, समाजसेवी तथा शिक्षाविद बुद्धिप्रसाद शर्माको प्रमुख अातिथ्यता, साहित्यकार राजेन्द्र गोपाल सिंह एवं शीत परिकल्पनाकार पुष्कर अथक रेग्मीको विशिष्ट अातिथ्यता र प्रथम शीत ईश्वर कृष्ण के.सी. र शीत काव्य समाज नेपालका महासचिव दामोदर ढकालको अातिथ्यतामा सम्पन्न चाैथो वार्षिक दिवसका अवसरमा कृति लोकार्पण, पुरस्कार तथा सम्मान कार्यक्रम समेत सम्पन्न गरिएको थियो ।
कार्यक्रममा प्रमुख अतिथि, सभाध्यक्ष, विशिष्ट अतिथि र परिकल्पनाकारबाट शीत काव्य समाजको लोगो अंकित टिसर्ट सार्वजनिक गरिएको उक्त कार्यक्रममा साहित्यकार/पत्रकार कृति समीक्षक भोजराज भट्टराईले कृतिहरूको समिक्षा गरेका थिए ।
सामुहिक राष्ट्रिय गान र पाल्पा प्यारागन स्कूलका विधार्थीहरूको सामुहिक स्वागत गान सँगै शुरू भएको वार्षिक दिवसमा शीकास पाल्पाका उपाध्यक्ष गोविन्द खनालको स्वागतबाट अघि बढेको उक्त कार्यक्रममा
१. शीत लघुतम खण्डकाव्य ‘ धर्मी’
लेखक : देवेन्द्रराज शाक्य
२. शीतोपन्यास ‘ शीत यात्रा ‘
लेखक : दामोदर ढकाल ‘ दीपक’
३. शीत: रचना विधान र चतुष्पदी लघुकाव्य संग्रह शीत
कल्प : ‘ अर्घ्य ‘
लेखक : पुष्कर अथक रेग्मी
४. त्रिशूल : सैद्धान्तिक विमर्श र त्रिपदीय काव्य उपविधा
‘अमोघ ‘
लेखक : पुष्कर अथक रेग्मी
का कृतिहरू लोकार्पण गरिएका थिए भने शीत कर्ण साहित्य पुरस्कारद्वारा लव जोशी (मानार्थ शीत ईश्वर) र देशभक्त सिंह कुँवर (शीत ईश्वर) पुरस्कृत गरिएका थिए ।
शीत ईश्वरद्वारा सम्मानित हुनेमा देवेन्द्रराज शाक्य (पाँचौ शीत ईश्वर), पुष्कर अथक रेग्मी (छैठौं शीत ईश्वर) र दामोदर ढकाल (सातौं शीत ईश्वर) साहित्यकारहरू थिए ।
विशिष्ट अतिथि राजेन्द्र गोपाल सिंह (साहित्यकार) र प्रमुख अतिथि वुद्धिप्रसाद शर्माद्वारा सम्बोधन गरिएको उक्त कार्यक्रममा
१. गुणवती के. सी., साहित्यकार
२. भरत शर्मा , उपसभापति , नेपमसं पाल्पा
३. डा. टंक पन्थ , स्रष्टा / समीक्षक
४. दामोदर ढकाल ‘ दीपक ‘ ,लेखक / महासचिव
५. कृष्ण के.सी. प्रथम शीत ईश्वर
ले शुभकामना मन्तव्य दिएका थिए । साहित्यको उत्थान र विकासमा अतुलनिय योगदान दिएकोमा उच्च मुल्यांकन गर्दै शीत परिकल्पनाकार पुष्कर अथक रेग्मीलाइ मायाको चिनो प्रदान गरिएको थियो भने सम्मानित व्यक्तित्व परिकल्पनाकार रेग्मीले सबैप्रति धन्यवाद ज्ञापन गरेका थिए । कार्यक्रममा सहभागीहरू सबैलाई कृतिहरू उपहारस्वरूप प्रदान गरिएको थियो ।
व्यस्त समयको वावजुद पनि कार्यक्रममा उपस्थित भइ कार्यक्रमलाइ भव्य र सभ्य बनाउन प्रत्यक्ष/परोक्ष रूपमा साथ, सहयोग गर्ने सबैप्रति अाभार प्रकट गर्दै सभाध्यक्ष इन्दिरा ज्ञवाली पौडेलद्वारा सभा विसर्जन गरिएको थियो ।
