दक्षिणी इटालीको तटमा दुईवटा जहाज दुर्घटना हुँदा कम्तिमा १७ जनाको मृत्यु भएको छ र करिब ६० जना बेपत्ता भएका छन् । बेपत्ता हुनेहरूमा धेरै बालबालिका रहेको जनाइएको छ ।
जर्मन सहायता समूह RESQSHIP द्वारा सञ्चालित एउटा उद्धार जहाजले दुईवटा जहाज दुर्घटनामध्ये पहिलोमा डुबिरहेको डुंगाबाट ५१ जनालाई उद्दार गरेको बताएको छ भने डुंगाको तल्लो भागमा फसेका १० वटा शवहरू निकालेको जनाएको छ । बाँचेकाहरूलाई किनारमा ल्याइ इटालियन कोस्टगार्डलाई सुम्पिएको थियो, RESQSHIP ले भन्यो।
एउटा जहाज लिबियाबाट प्रस्थान गरेको थियो जसमा सवारहरू सिरिया, इजिप्ट, पाकिस्तान र बंगलादेशबाट आएका थिए भनेर आप्रवासी संगठन र युनिसेफले संयुक्त विज्ञप्तिमा भनेका छन् ।
-स्काइ न्यूज बाट
https://news.sky.com/story/11-migrants-dead-and-dozens-missing-after-two-shipwrecks-off-coast-of-italy-13149791
