उत्तरी अफगानिस्तानमा अधिक वर्षाका कारण शुक्रबार अचानक बाढी आउँदा ३०० भन्दा बढी व्यक्तिको मृत्यु भएको छ र हजारौं घरहरू ध्वस्त भएका छन् । बाढीले हजारौंलाई विस्थापित गरेको छ र पूरै गाउँहरू डुबाएको छ ।
उत्तरी प्रान्त बाघलानमा बाढीका कारण ज्यान गुमाउनेको सङ्ख्या बढ्न सक्ने त्यहाँका अधिकारीहरूले जनाएका छन् । मृत्यु हुनेमा अधिकांश महिला र बालबालिका रहेको बताइएको छ । संयुक्त राष्ट्र विश्व खाद्य कार्यक्रमका अनुसार कम्तिमा २,००० घरहरू ध्वस्त भएका छन्।
त्यहाँ अहिले आपतकालीन अवस्था घोषणा गरिएको छ । सयाैं मानिसहरूको मृत्यु भएको, अन्य कैयाैं मानिसहरू घाइते भएको तथा हजाराैं परिवारहरू घरबारबिहिन भएको अबस्था छ । देशका धेरै प्रान्तमा बाढीले तहसनहस पारेको छ भने बाढीले अफगानिस्तानमा ठूलो मानवीय आपत निम्त्याएको छ ।
