कुवेत – गैर आवासीय नेपाली संघ राष्ट्रिय समन्वय परिषद(NRNA-NCC) कुवेतको आयोजनामा एनआरएनए – मुजैनी कप फुटबल प्रतियोगिता यहि अप्रिल २५ र २६ , २०२४ का दिन हुने भएको छ ।
कुवेतको फाहहिलस्थित शुकसभा फुटबल मैदानमा हुने अन्तर नेपाली फुटबल प्रतिगोगिताको मुख्य प्रायोजक अल मुजैनी एक्सचेन्ज रहेको छ । उक्त फुटबल प्रतियोगितामा प्रथम हुने टिमलाई नगद ३०१ कुवेती दिनार, ट्रफी, मेडल तथा प्रमाणपत्र साथै द्वितीय हुने टिमलाई नगद १७५ कुवेती दिनार, ट्रफी, मेडल तथा प्रमाणपत्र प्रदान गरिने छ भने उत्कृष्ट टिम, उत्कृष्ट खेलाडी उत्कृष्ट गोलकिपरलाई पनि पुरस्कृत गरिने जनाइएको छ ।
खेलकुद प्रतियोगितामा सहभागिताका लागि प्रति टिम २० केुवेती दिनार टिम दर्ता शुल्क राखिएको जनाउँदै प्रतियोगितमा १२ टिमले प्रतिस्पर्धा गर्न लागेको एनआरएनए एनसीसी कुवेतले जनाएको छ ।
फुटबल प्रतियोगिता हुने मिति , समय र स्थान निम्न रहेको छ ।
मिति – २५ र २६ अप्रिल २०२४, शुक्रवार
समय – साँझ ५ बजे
स्थान- शुकसभा फाहहिल, कुवेत
