कुवेतमा संकलन गरिएको आर्थिक सहयोग भुकम्पपीडितलाई हस्तान्तरण

तितोपाटी – गैरअवासीय नेपाली संघ राष्ट्रिय समन्वय परिषद् कुवेतको नेतृत्वमा भुकम्प पीडितका लागि कुवेतमा विभिन्न संघ – सस्था, व्यवसायी र व्यक्तिबाट संकलित ११ लाख ८४हजार २ सय २० रुपैयाँ सहयोग एनआरएनए कुवेत र इराकको टोलि जाजरकोट पुगि हस्तान्तरण गरेको छ ।
संकलित राहत रकम भुकम्प प्रभावित जाजरकोट जिल्ला नलगाड नगरपालिकाको वडा नम्बर १ को चित्रे ,कल्लपट र पाली टोलका भौतिक क्षति भएका अत्यन्तै निम्न परिवारका ६६ घरधुरी र नगरपालिका भरिका ३८ मानवीय क्षति पुगेका घरधुरीलाई राहात वितरण गरिएको हो । एनआरएनए कुवेतका अध्यक्ष रणध्वज लामाको नेतृत्वमा कुवेत र ईराकका एनआरएनए प्रतिनिधिहरु आर्थिक सहयोग लिएर जाजरकोट पुगेका थिए।
नलगाड नगरपालिकाको सभाहलमा प्रमुख अथिति कर्णाली प्रदेशका आन्तरिक मामिला तथा कानुन मन्त्री कृष्ण जिसि र विशेष अथिति नलगाड नगरपालिकाक प्रमुख डम्बर बहादुर राउतले राहत वितरण कार्यक्रमको उद्घाटन गरेका थिए भने सोही दिन बेलुकी ५ बजे वडा नम्बर १ का पिडितहरुलाई राहत वितरण गर्दे कार्यक्रम समापन गरिएको थियो । राहतका लागि आर्थिक संकलन अभियानमा जोडिएर अभियान सफल बनाउन सहयोग गर्ने ब्याक्ति विशेष संघ सस्था सबैलाई अध्यक्ष रण ध्वज लामाले धन्यवाद व्यक्त गरेकाछ्न।