Tuesday 17th November 2026

विदेशबाट फर्कने श्रमिकले ल्याउन पाउने सुन र टिभी सम्बन्धी नयाँ व्यवस्था


त्रिभुवन अन्तर्राष्ट्रिय विमानस्थल कार्यालयले विदेशबाट फर्कने नेपालीले ल्याउन पाउने सुनको परिमाण र टेलिभिजनको साइजबारे प्रष्ट्याएको छ । कार्यालयले एक सूचना जारी गर्दै विदेशबाट फर्कने यात्रुले नेपाल ल्याउन पाउने सुनको परिमाण र टेलिभिजनबारे प्रष्ट्याएको हो ।

सूचनाअनुसार विदेशबाट फर्कने महिलाको हकमा ५० ग्रामसम्मको सुनको गहन ल्याउँदा भन्सार तिर्न पर्दैन । यस्तै, पुरुषको हकमा भने २५ ग्रामसम्म ल्याउँदा भन्सार तिर्नु नपर्ने कार्यालयले जनाएको छ ।

यसबाहेक, एकजना यात्रु (महिला/पुरुष) ले तोकेभन्दा बढी २०० ग्रामसम्म सुनको गहना ल्याउन पाउने र त्यसको भन्सार तिर्नुपर्ने व्यवस्था छ तर काँचो सुनलाई बंग्याएर बेरुवा, औंठी, बाला, सिक्री जस्ता रसायन प्रयोग नगरिएको सुनलाई गहनाको मान्यता दिइने छैन ।

त्यसै गरि श्रम स्वीकृति लिइ लगातार १ वर्षभन्दा बढि समय बसेको नेपाली श्रमिक जसले सामाजिक सुरक्षा कोषमा नियमित रकम जम्मा गरेको छ उनीहरूले मात्रै जति ठुलो साइजको टिभी पनि विना भन्सार लैजान पाउँछन् । श्रम गरेर लगातार १ वर्षभन्दा बढि काम गरेर स्वदेश फर्केपनि सामाजिक सुरक्षा कोषमा सहभागी नभएको श्रमिकलाइ भने यो सुविधा प्राप्त हुने छैन ।


सम्बन्धित शीर्षकहरु

जर्मनी, डेनमार्क, अस्ट्रिया, ग्रीस र नेदरल्याण्ड्सले सन् २०२७ देखि रवान्डामा आप्रवासी फिर्ता केन्द्र खोल्ने योजना सार्वजनिक गरेका छन्। यो केन्द्रमा…

अमेरिकी गुप्तचर निकायले इरानले अमेरिकी भूमिमै ठूलो आक्रमण गर्न सक्ने सम्भावनाबारे नयाँ सूचना प्राप्त गरेको जनाएको छ। उक्त सूचनाअनुसार इरानले…

आधुनिक भौतिक विज्ञानका केही महत्त्वपूर्ण खोजले ब्रह्माण्डको उत्पत्ति र अस्तित्वबारे नयाँ दार्शनिक प्रश्नहरू जन्माएका छन्। के ब्रह्माण्डमा देखिने असाधारण गणितीय…

प्रतिकृयाहरू
...