काठमाडौं, वैशाख १२ : राष्ट्रिय आविष्कार केन्द्रका अध्यक्ष महावीर पुनले अनुसन्धान र आविष्कारका लागि सामाजिक आन्दोलन र धर्ना कार्यक्रम सुरु गरेका छन् । उनले शुक्रबार माइतीघरमा धर्ना कार्यक्रम सुरु गरेका हुन् ।
पुनले बानेश्वर जाने सर्भिस लेन बन्द गरेर केही युवाको समर्थनमा धर्ना कार्यक्रम गरिरहेका छन् ।
धर्नामा सहभागी पुनले ‘अनुसन्धान, आविष्कार र आविष्कार नीति’, ‘अनुसन्धान, आविष्कार र आविष्कार विश्वमा युवा सहभागिता’, ‘नयाँ उद्यमीलाई हतोत्साहित नगरौं’, ‘सूचना प्रविधि विधेयक पारित गर’ लेखिएका प्लेकार्ड बोकेका छन् । ।
देशलाई कसरी औधोगिककरण गर्ने ? राष्ट्रलाई आधुनिकीकरण का लागि के के उत्पादन गर्ने ? कसरी यहाँका प्रतिभाहरुको संरक्षण गर्ने भन्ने जस्ता कुरा सरकारले गर्ने काम हुन तर सरकार देशलाई परनिर्भर बनाउन र विदेशी उत्पादनलाई भित्रयाएर कमिसनमा रमाउने भन्दा दायाँबाया सोच्दैन । यस्तो अवस्थामा दश बर्ष देखि आविस्कार केन्द्र खोलेर यहाँका शिक्षित युवाहरुलाई नयाँ नयाँ कुराहरुको उत्पादनका लागि प्रोत्साहित गर्दै आएका महाबीर पुन अन्तत आन्दोलन गर्ने ठाउँमा पुगेका छन । उनले सरकारको विकाश बजेट को एक प्रतिशत रकम अविस्कार का लागि छुटयाउन पर्ने भन्दै आफ्नो माग लाई सडकमा पोखेका छन ।
