Sunday 19th October 2025

पोखरा विमान दुर्घटनाः ६८ जनाको शव भेटियो


नेपालमा आइतबार बिहान यति एयरलाइन्सको विमान दुर्घटना हुँदा अहिलेसम्म ६८ जनाको शव भेटिएको छ । काठमाडौंबाट बिहान १०:३२ बजे पोखराका लागि नेपाली ५३, विदेशी १५ र ४ चालक दलका सदस्यसहित उडेको यती एयरको NTY 691, 9N-ANC विमान १०:५० मा दुर्घटना भएको थियो । जहाजमा २५ महिला, ३७ पुरुष ३ बालक र ३ शिशु थिए ।

माैसम सफा हुँदा पनि विमान दुर्घटनामा परेको छ भने विमान दुर्घटनाको कारण पत्ता लागेको छैन ।

पोखराको पुरानो विमानस्थल र नयाँ अन्तर्राष्ट्रिय विमानस्थलको बीचमा विमान दुर्घटना भएको हो । पोखरा महानगरपालिका–१७ घारिपाटन स्थित सेती नदीको खोँचमा जहाज खसेकोले खोज तथा उद्दारका लागि ७ सय भन्दा बढि सुरक्षाकर्मी परिचालन गरिए पनि खोजीकार्यमा असहजता भएपछि क्रेनको सहायताले खोज्ने कार्य भइरहेको छ । विमान टुक्राटुक्रा भएको छ ।

नेपाल सरकारले विमान दुर्घटनामा परेर मृत्यु भएकाहरूको शोकमा भोली माघ २ गतेका लागि सार्वजनिक विदा दिएको छ भने विमान दुर्घटना बारे छानविन गर्न ५ सदस्यीय टोली गठन गरिएको छ ।


सम्बन्धित शीर्षकहरु

कुवेतमा क्रियाशील तमु (गुरुङ) समाज कुवेतले आगामी जनवरी २, २०२६ (शुक्रबार) का दिन तमु ल्होछार (ल्होसार) सांस्कृतिक कार्यक्रम भव्य रूपमा…

अन्तर्राष्ट्रिय झापाली समाजको प्रतिनिधि टोलीले आज झापाको भद्रपुरस्थित एयरपोर्ट होटलमा नेपाल सरकारका ऊर्जा, जलस्रोत तथा सिंचाइ, भौतिक पूर्वाधार तथा यातायात,…

नेपाल कुवेत सरोकार समाजले आफ्नो पाँचौं अधिवेशन आगामी अक्टोबर ३१ (शुक्रबार) का दिन आयोजना गर्ने भएको छ। समाजका अनुसार अधिवेशन…

प्रतिकृयाहरू
...