कुवेत विमानस्थलको सुरक्षा व्यवस्था जतिसुकै कडा भए पनि लागु औषध बरामद हुने क्रम रोकिएको छैन । अन्तर्राष्ट्रिय विमानस्थलमा एयर भन्सार अधिकारीहरूले देश भित्र आउने यात्रुहरूबाट गाँजा, ट्रामाडोल, लिरिका चक्की र चरेस बरामद गरेका छन, अल राई दैनिकले लेखेको छ ।
त्यसरी पक्राउ पर्नेहरु विभिन्न अन्तर्राष्ट्रिय विमानस्थलबाट आएको दैनिकले जनाएको छ । पहिलो बरामद दिल्लीबाट आएका एक एसियालीलाई गाँजा र घछण् ट्रामाडोल ट्याब्लेटसहित पक्राउ परेका थिए ।
दोस्रो बरामदमा २० थान लिरिका चक्की र चरेस भरिएको चुरोटसहित एक कुवेती पक्राउ परेका छन् । उनी एम्स्टर्डमबाट आएका थिए। तेस्रो बरामदको लागि, एक महिला नागरिकलाई हिरासतमा लिईएको थियो र उनी आफ्नो ह्यान्डब्यागमा तीन टुक्रा चरेस र एक प्रकारको लागुऔषध 130 थान बोकेर एम्स्टर्डमबाट कुवेत अन्तर्राष्ट्रिय विमानस्थलमा आइपुगेकी थिइन्।
चौथो घटनामा, बेरुतबाट अर्को कुवेत महिलालाई पक्राउ गरिएको थियो। अधिकारीहरूले उनको साथबाट १५ थान लागुऔषध लिरिका चक्की र एक टुक्रा चरेस बरामद गरेका थिए । पाँचौं बरामदमा, एक कुवेती दम्पतीलाई हिरासतमा लिइयो। उनीहरु बेलायतबाट ४ थान गाँजा, ६ थान गाँजा र लागुऔषध भएको इलेक्ट्रोनिक चुरोट लिएर आएका थिए । बरामद भएका सबैलाई लागुऔषध नियन्त्रण महानिर्देशनालयमा पठाइएको छ ।
