कुवेतमा अमेरिकी युनिभर्सिटीका म्यारथुन प्रशिक्षक समेत रहेका धाबक नारायण श्रेष्ठले युवा तथा खेलकुद मन्त्री महेश्वरजंग गहतराजसंग मेई ३० तारिक सोमबार भेट गरेका छन् ।
सिंहदरबारस्थित खेलकुद मन्त्री गहतराजको कार्यकक्षमा भएको भेटका क्रममा श्रेष्ठले विदेशमा रहेर पनि खेल क्षेत्रमा लागि रहेको, यसै बिचमा आफूले खेलकुद क्षेत्रमा पाएको उपलब्धि र म्याराथुन खेलका सम्भाबना बारेमा जानकारी गराए ।
श्रेष्ठले कुवेतमा सन् २०१८, २०१९ र २०२२ मा भएको अमेरिका युनिभर्सिटी म्याराथनमा स्वर्ण पदक जितेका थिए ।
उक्त म्याराथनसहित अन्य म्याराथनमा गरि करिब दर्जन भन्दा बढी स्वर्ण पदक जितेको धावक श्रेष्ठले तीतोपाटीलाई जानकारी गराए ।
त्यस अवसरमा मन्त्री गहतराजले खेलकुदको माध्यमबाट अन्तर्राष्ट्रिय जगतमा नेपाललाई चिनाएकोमा धन्यवाद दिदै उपलब्धिका लागि बधाइ दिएको श्रेष्ठले बताए ।
