स्थानीय तहको निर्वाचन २०७९ अन्तर्गत गत बैशाख ३० गते सम्पन्न निर्वाचनको मगतगणना झण्डै ७० प्रतिशत स्थानीय तहमा सम्पन्न भएको छ । हालसम्म अन्तिम मतपरिणाम आएकामध्ये सबैभन्दा बढी पालिकाको प्रमुख तथा अध्यक्ष पद नेपाली कांग्रेसले जितेर सबैभन्दा ठुलो दलको स्थान ओगटेको छ । देशका ७५३ स्थानीय तहमध्ये हालसम्म ५०५ स्थानीय तहमा मतगणना कार्य सकिएको छ ।
नेपाली कांग्रेसले हालसम्म २२६ स्थानीय तहको प्रमुख तथा अध्यक्षमा विजय हात पारिसकेको छ २१३ उपप्रमुख तथा उपाध्यक्ष विजयी भएका छन् ।
त्यसै गरि एमालेले अहिलेसम्म १४५ प्रमुख तथा अध्यक्ष र १५१ उपप्रमुख तथा उपाध्यक्ष जितेर दोश्रो ठलो दल बनेको छ ।
तेस्रो स्थानमा रहेको नेकपा (माओवादी केन्द्र)ले हालसम्म ९८ स्थानीय तहको प्रमुख तथा अध्यक्ष पदमा जित निकाल्न सफल भएको छ भने १०५ उपप्रमुख तथा उपाध्यक्ष पद जित्न सफल भएको छ ।
जनता समाजवादी पार्टी (जसपा), नेपालले हालसम्म १० स्थानीय तहको प्रमुख तथा अध्यक्ष तथा ११ उपप्रमुख तथा उपाध्यक्ष पद जित्न सफल भएको छ ।
नेकपा (एकीकृत समाजवादी)ले हालसम्म ९ पालिकाको प्रमुख तथा अध्यक्ष ७ उपप्रमुख तथा उपाध्यक्ष पद जितेको छ ।
त्यसै गरी लोकतान्त्रिक समाजवादी पार्टीले १-१ प्रमुख/अध्यक्ष र उपप्रमुख/उपाध्यक्ष पद जितेको छ भने अन्य साना दल र स्वतन्त्र उम्मेदवारहरूले हाल सम्म १६ प्रमुख तथा अध्यक्ष र १६ उपप्रमुख तथा उपाध्यक्ष पद जितेका छन् ।
