श्रीलंकाको अर्थ मन्त्रालयले केही समयका लागि सबै ऋणहरूको सेवा निलम्बन गर्ने जनाएको छ । मंगलबार अर्थ मन्त्रालयले एक विज्ञप्ति जारी गर्दै यसबारे जानकारी दिएको हो । विज्ञप्तिअनुसार बाह्य ऋण तिर्ने दायित्वबाट श्रीलंका स्वतन्त्र रहेको बताउँदै देशको वित्तीय अवस्था थप खस्कन नदिन तथा ऋण पुनर्संरचनामा सबै ऋणीलाई समतामुलक व्यवहार निश्चित गर्न सरकारले आपतकालीन उपाय अपनाइरहेको बताइएको छ ।
श्रीलंकाको आर्थिक अवस्था हाल विदेशी ऋणसहित गम्भीर संकटमा फसेको विज्ञहरूले बताउँदै आएका छन् । सरकारले उपभोक्तालाई नियमित सेवा प्रवाह समेत गर्न सकेको छैन । श्रीलंकामा यतिबेला दैनिक उपभोग्य वस्तु पनि प्राप्त हुन सकिरहेको छैन भने नागरिकहरू दैनिक रुपमा सडकमा उत्रिएर सरकारको विरोध गरिरहेका छन् ।
गम्भिर आर्थिक संकटमा रहेको श्रीलंकाले विदेशी अनुदान सहयोग प्राप्त गर्नु अघि नै ऋण नतिर्ने घोषणा गरेको छ भने विदेशी मुद्रा संचिती जोगाउनको लागि आयात रोकेको छ ।
