तीतोपाटी – कुवेतको स्वास्थ्य मन्त्रालयले ६ महिना भन्दा माथिका सबै उमेर समुहका नागरिक र आप्रबासीहरुलाई जाडो मौसममा लाग्न सक्ने रोग बिरुद्दको खोप(विन्टर डिजेज भ्याक्सिन) लगाउन अनुरोध गरेको छ ।
स्वास्थ्य मन्त्रालयका प्रवक्ता डा.अब्दुल्लाह अल-सनदले जाडो मौसममा लाग्न सक्ने रोगहरुबाट बच्नका लागि मन्त्रालयको वेबसाइट मार्फत नाम दर्ता गरेर सबैलाई खोप लगाउन भनेका छन ।
यसै गरी कोभिड भ्याक्सिनको दोस्रो खोप लगाएको ३ महिना कटेका सबैले अर्को खोप ‘बुस्टर डोज’ लगाउन सिधै खोप केन्द्र(मिश्रिफको मेला मैदान)मा जान सक्ने मन्त्रालयले बताएको छ । बुस्टर डोजका लागि अनलाइन वा फोन मार्फत नाम दर्ता गरी सिधै खोप केन्द्रमा जान सकिने छ ।
