तीतोपाटी, काठमाडौं – कतारको राष्ट्रिय मानव अधिकार समितिका नेपाली समाज संयोजक प्रोफेसर मोहम्मद रमजान अली मियाँले आफ्नो प्रारम्भिक शिक्षा शुरु गरेको विद्यालयलाई अक्षयकोष स्थापनार्थ एक लाख एक हजार एक सय नेपाली रुपैया सहयोग गरेका छन । मियाँले गोरखाको सिरानचोक-३ हर्मीमा रहेको शिखर ज्योति प्राथमिक बिद्यालय उक्त रकम बिहीवार हस्तान्तरण गरेका हुन ।
बिद्यालय व्यवस्थापन समितिका अध्यक्ष सिंह बहादुर थापालाई अक्षयकोष स्थापनाको लागि नगद हस्तान्तरण गर्दै मियाँले यसरी आफू पढेको बिद्यालयमा अध्ययन गर्ने जेहन्दार विद्यार्थीहरुलाई सहयोगार्थ अक्षयकोष स्थापना गर्न पाउदा गर्ब लागेको बताए ।
कार्यक्रममा विद्यालयका प्रधानाध्यापक रामचन्द्र थापा लगायत लगाएत अभिभाबकहरुले मियाँको सहयोगी भाबनाको प्रसंशा गरेका थिए । सोही कार्यक्रममा मियाँले विद्यार्थीहरुलाइ शैक्षिक सामाग्री पनि वितरण गरेका थिए ।
