“झरदेखि झरनासम्म , हाम्रो यात्रा सागरसम्म”
झरना = १० झर
१. वैशाख जेठ निशेधाज्ञा होला जस्तो छ
असार मसान्तमा कर उठाउन खुल्ला जस्तो छ ।
२. देशमा कोरोना पोहोर पनि आको हो
बितेको सालको बन्दाबन्दीमा पनि यस्तै भएको थ्यो ।
३. सुरक्षा अपनाउनु पर्छ भन्छन्, काठमाडौँ बसेर फुक्छन्
रोगको कुरा अर्कै आधा जनता खान नपाएर सुक्छन् ।
४. परदेशी भूमिमा सङ्घर्षरत छन् जनताहरू
त्यसको रेमिट्यान्स हात पार्न लालाहित नेताहरू ।
५. श्रमशक्ति खेर गइरहेछ, जमिन बाँझो छ
राज गर्ने नेताजीको बुद्धि बोधो छ ।
६. गाउँगाउँमा बाँझो जमिन बीउ खोजिरहेछ
परिश्रमी युवा हात परदेशको बाटो रोजिरहेछ ।
७. नीति बन्छन् देशमा सधैं आयातको
पसिनाको विक्रि युवा निर्यातको ।
८. रोगलेभन्दा रोकले काम अड्कियो
गर्छुभन्ने परिश्रमी हात अन्तै भड्कियो ।
९. कोरोना पनि तातेरै आएछ
भेटेजति सबैलाई खाएछ ।
१०. देशमा नीति छिनछिनमै फेरिन्छ
हात बाँधि मन बाँधि के पो हेरिन्छ ?
सविता के.सी., काठमाडौँ ।
