“झरदेखि झरना सम्म, हाम्रो यात्रा सागरसम्म”
झरना = १० झरहरू
——————-
( १)
बुबा भरोसा हो भने आमा विश्वास हो
परिवारको हिम्मत बढाउने दुवै शाहस हो ।
(२)
आमा बाहिर हेर्दा कठोर भित्र नरम रहनुहुन्छ
त्यसैले आमाको मनमा अनेकौ मर्मसँगै धर्म हुन्छ ।
(३)
आमा ओत लाग्ने एउटा आधार
पिता अनेकौं समस्यासँग जुध्ने दुईटा धार भएको तलवार ।
(४)
बालापनमा खुशी पर्ने पिता मुख्य पात्र हुन्
सन्तानको दु:ख सुख बुझ्ने आमा मात्र हुन् ।
(५)
बुबा जिम्मेवारी बोक्ने सन्तानको सारथी हुन्
सबैलाई ममताले छोप्ने आमा नै महारथी हुन् ।
(६)
जसको माता पिता असल र कर्मयोगी हुन्छन्
उनैका सन्तानले प्रगतिको शिखर छुन्छन् ।
(७)
जब नेपाली सपूतले गर्छ आफ्नो देशको मान राख्ने काम
अनि हुन्छ राष्ट्रको सम्मान ।
(८)
माली हॅु उधानको फूल लगाउॅछु
फूलले मातृभूमिलाई सजाउॅछु ।
(९)ज्ञानीले मानिसलाई सत्मार्ग देखाई दिन्छ
मूर्खले अरूलाई आफू समान लिन्छ ।
(१०)
हेरी बसें दिन भरि आउॅछौ कि त भनी
ढुंगो होईन मान्छे नै हॅु पग्लिन्छु म पनि ।
किरण कुमार देवकोटा
कपिलवस्तु न. पा .३
कपिलवस्तु
