“झरदेखि झरनासमा, हाम्रो यात्रा सागरसम्म”
झरना =१० झर
१) उफ् प्रकृतिको रूप कस्तो
सलल बगि आउने भए झैँ सस्तो ।
२) रमाइलो त्यो नगर
एकैछिनमा भयो बगर ।
३) हेर्दाहेर्दै पानीले भरियो वरिपरि समतल्ल
आनन्दले बाँचेको जिन्दगी भयो छातछुल्ल।
४) मन बुझाउनु अब यो स्थितिमा खै कसरी
गर्नुहुन्न वनजङ्गल र खोलानलाको तस्करी ।
५) थाहा थियो बगर हो भनेर तर बनायौ घर
जिद्दी गर्यौ सोँचेनौ पछिलाई अब के को हुने भर ।
६) यस्तो हुन्छ भन्ने थाहा हुँदाहुँदै पनि
जान्ने बुझ्नेले सम्झाउँदा मानेनौं गर्यौ आनकानी ।
७) थोरै सुख्खा भयो देखेनौ पानीको मेल
उर्ली आयो तमासले बाढी र भेल ।
८) करोडौंको क्षती भयो अब कता भाग्ने
प्रकृतिलाई मिची एस आराम गरेथ्यौ भयौ अब माग्ने ।
९) पहिल्यै जानी बुझी सुरक्षित भएको भए
यस्तो हानी हुन्न थियो व्यवस्थित भएको भए ।
१०) अब सबले बुझौँ प्रकृतिको देन हो भनेर
बस्ती बसालौँ सही ठाँउमा राम्ररी बुझेर ।
अनुग्रह राना मगर (पुष्प)
संखुवासभा
हालः मलेसिया
