“पाँच तत्व पाँचै विकार, पञ्चाङ्ग नै ठिक आधार”
पञ्चाङ्ग ३ (तीन)
१
ढुकुटी मात्र आफैले आफ्नो भरायो यहाँ
दिन्छु मैले अरुलाई भन्दै करायो यहाँ
दिउँसै बत्ती लिएर खोज्दा पनि
सूर्य नै पनि धमिलो भई हरायो यहाँ
अरुकै हातमा मातृभूमि गरायो यहाँ ।
२
के होला यो बेला देशको कुरा गरिन भने
शान्तिको लागि नि घर्घर बीउ छरिन भने
दूध र नौ महिना कोखमा राखेको बिर्सिएर
आमा बेच्नेहरू म देखुँला नि मरिन भने
बचाउँला संसारबाट अन्त सरिन भने
३
बिर्सिजाने कस्तो माया लाएको मैले
साँचो ठान्या रहेछु कसम खाएको मैले
धेरै तन्काए चुँडिन्छ भन्थे रबर पनि
छिनेर जान सक्ने नाता पाएको मैले
सयौं जुनिसम्मको साथ चाहेको मैले
रामराजा के.सी., फर्पिङ, काठमाडोँ ।
