गजल
###
दिलभित्र लुकाएको तस्बिर झिकी छुन्छ्यौ अरे ।
बितेका पल सम्झिएर भक्कानिदै रुन्छ्यौ अरे ।
जिन्दगीको सारा खुशी, एक- एक गरि लुटेपछी,
छिनछिनमा होस गुमाइ,पागल जस्तै हुन्छ्यौ अरे।
फुटेको यो मेरो कर्म, कस्ति म अभागी भनी,
पलपल झर्ने ती आँशुले, पिडाहरु धुन्छ्यौ अरे।
हाँसोहरु बन्धक राखी स्वतन्त्र त्यो जिवनलाई,
बाध्यता भइ पिंजडा मै सधैँ भरी थुन्छ्यौ अरे।
जस्ले जति सम्झएनी, किन आजभोलि तिमी,
खरानीको डोरी बाट्ने,अझै सपना बुन्छ्यौ अरे।
प्रतिमा शिवाकोटी
कालिन्चोक गा.पा ८, सुनखानी दोलखा।
(रचना: २०७८/३/२ बुधबार)
