” झरदेखी झरनासम्म , हाम्रो यात्रा सागरसम्म ”
झरना(१० झर)- नारी वेदना
१
लेख्न मन लाग्यो नारी वेदना
बुझ्ने कसले हो खै उनको भावना ।
२
२१ औं शताब्दीमा पनि कस्तो विचित्र
अपहेलित र तिरस्कृत नारी घरभित्र ।
३
सुन्न नसकिने अनौठो समाचार
प्रत्येक पलमा नारी बलात्कार ।
४
भाषण गर्छन् छोरीको अधिकार र शान
उनैले गर्छन् बुहारीलाई सधैं अपमान ।
५
चाहन्छन छोरी सुखमा रहेको
फेरि बुहारी किन अपमान भएको ।
६
नारीले नै नारीको तिरस्कार नगर्नु
उनकै निम्ति लड्न पछि नपर्नु ।
७
हजारौं गल्तिहरु सहजै सहेर
नारी हिंड्छिन भावमा बहेर ।
८
बोलेमा त उत्ताउलि भन्छन्
नबोलेमा लाटि भन्छन् ।
९
कतै नारीलाई सुख छ त कतै खेलौना छ
कतै अमूक बसी उनको बिलौना छ ।
१०
घर व्यवहार,बच्चा जागीर पनि छ
आजकल नारीलाई झन् धेरै बोझ छ ।
🖋️ मिलन के. सी.(थापा), पोखरा
झर
२ पङ्तिको गहन काव्यिक अभिव्यक्तिलाई झर भनिन्छ । छोटो र खँदिलो हुने भएकोले यस प्रति पाठकहरुको उच्च आकर्षक रहेको पाईन्छ । एक सुक्ष्म कविताको रूपमा मनमा दीर्घकालीन प्रभाव पार्न सक्नु यसको विशेषता हो । नेपाली माटोमा २०७७ जेठ ३ गतेदेखि प्रारम्भ गरिएको झरको प्रवर्द्धनका लागि तितेपाती अनलाइनले नियमित रूपमा प्रकाशन गरी मद्धत गरिरहेको छ । -सम्पादक
