“झरदेखि झरनासम्म, हाम्रो यात्रा सागरसम्म”
१)
भित्रभित्रै कति रेट्छौ रेट छुरा
कहाँ हुन्छ अधुरो सपना पुरा !
२)
जिन्दगीको सवाल खेर जान्छ र
मर्ने काल नआई कालले लान्छ र !
३)
राष्ट्रियता हरायो नेता डराएन
भ्रष्टाचार अहिलेसम्म हराएन !
४)
कोपिला पनि फूल हो हेला नगर
विश्वास गर्यो भन्दैमा भर नपर !
५)
सम्झना आउँदैछ घरिघरि किन
बिर्सनु भन्छु बिर्सेर जानै सक्दिन !
६)
खोलिने गर्छ एकातिर पोल फेरि
समाज बस्दछन् दुःखमा नहेरि !
७)
बगाउन देऊ श्रमको पसिना धेरै
माटोमा मिल्नु पर्दछ क्रीडा सहेरै !
८)
घाम आउँथ्यो आगन्मा बादल नभए
वर्षात कहाँ हुन्छ बादल फाटी गए !
९)
मुटु तिम्रो मेरो लागि सुम्पिएर छोड्यौ
अनायासै हाम्रो चोखो माया पनि तोड्यौ !
१०)
नहुनुथ्यो भई सक्यो अब कसो गर्ने
पहिले भन्थ्यौँ दुईसँगै बाँच्ने र मर्ने !
-नानीमाया सुनुवार”नामासु”
उदयपुर