Friday 18th July 2025

नानीमाया सुनुवार ‘नामासु’ को झरना – १


“झरदेखि झरनासम्म, हाम्रो यात्रा सागरसम्म”

१)
भित्रभित्रै कति रेट्छौ रेट छुरा
कहाँ हुन्छ अधुरो सपना पुरा !
२)
जिन्दगीको सवाल खेर जान्छ र
मर्ने काल नआई कालले लान्छ र !
३)
राष्ट्रियता हरायो नेता डराएन
भ्रष्टाचार अहिलेसम्म हराएन !
४)
कोपिला पनि फूल हो हेला नगर
विश्वास गर्‍यो भन्दैमा भर नपर !
५)
सम्झना आउँदैछ घरिघरि किन
बिर्सनु भन्छु बिर्सेर जानै सक्दिन !
६)
खोलिने गर्छ एकातिर पोल फेरि
समाज बस्दछन् दुःखमा नहेरि !
७)
बगाउन देऊ श्रमको पसिना धेरै
माटोमा मिल्नु पर्दछ क्रीडा सहेरै !
८)
घाम आउँथ्यो आगन्‌मा बादल नभए
वर्षात कहाँ हुन्छ बादल फाटी गए !
९)
मुटु तिम्रो मेरो लागि सुम्पिएर छोड्यौ
अनायास‌ै हाम्रो चोखो माया पनि तोड्यौ !
१०)
नहुनुथ्यो भई सक्यो अब कसो गर्ने
पहिले भन्थ्यौँ दुईसँगै बाँच्ने र मर्ने !

-नानीमाया सुनुवार”नामासु”
उदयपुर


सम्बन्धित शीर्षकहरु

तितोपाटी-श्रमिकको न्यूनतम पारिश्रमिक १९ हजार ५५० कायम गर्न सरकारलाई सिफारिस गरिएको छ । नेपाल सरकार, रोजगारदाता र श्रमिक संगठनबीच बिहीबार…

पाकिस्तानका पूर्व प्रधानमन्त्री इमरान खानले बुधबार (जुलाई १६) आफ्नो पार्टीका सदस्यहरूलाई पाकिस्तानी सेना प्रमुख असीम मुनीरलाई जेलमा केही भएमा जवाफदेही…

अमेरिकी विदेशमन्त्री मार्को रुबियोले सिरियाको राजधानी दमास्कसमा इजरायलले हालै गरेको आक्रमणको बारेमा वासिङ्टन "धेरै चिन्तित" रहेको बताएका छन्, किनकि युद्धविराम…

प्रतिकृयाहरू
...