” झरदेखी झरनासम्म , हाम्रो यात्रा सागरसम्म ”
झरना:-१० झर
१. हावाहुरीले निभाउन खोज्छ
दियो उज्यालो जब पोख्न खोज्छ ।
२. रोकेर रोक्न सकिन्न गति
अबरोध खोज्छ कसैको मति ।
३. फुकाइ पोको मनको विसाइ
क्लेश नराखी गर है सफाइ ।
४. टाढा रहेर पनि हुन्छ आफ्नो
स्नेह कहिले हुदैन विरानो ।
५. घुम्ती धेरै बनेछन् कुराको
कसरी बुझ्नु चाल छुराको ।
६. सही गलत छुट्याउन सिक
सुविचार मनमा जगाउन सिक।
७. जानेर हो वा नजानी गरेको
सत्य तथ्य खोइ खोजी गरेको ।
८. तलाउ जस्ले खनी बनायो
माछा राखेर पानी सुकायो ।
९. विचित्र कला , परिष्कृत गला
लगाउन खोज्छन् सदैव माला ।
१०. आफू सहि छु , सहि छ बाटो
अनमोल छु ठान्नु गलत हो पाटो ।
समुन्द्रा शर्मा
इटहरी
