“झरदेखि झरनाम्म, हाम्रो यात्रा सागरसम्म”
झरना (दश झरहरू)
१. देशको भार बोक्न खोज्ने
कर्तव्यको बाटो नरोज्ने ।
२. आफूलाई भगवान ठान्ने
धर्मलाई व्यवसाय मान्ने ।
३. दुनियाँमा किर्ति कमाउने चाहाना
काम गर्नु परे हुन्छ बाहाना
४. धैर्यताको परेको छ खाँचो
सबै झुटो छ देखिन्न केही साँचो ।
५. फोटो खिचाएर ख्याती कमाउने
समाज सेवा भन्दै आफू रमाउने ।
६. कुरा हुन्छ ठूलो काममा हिम्मत हार्छन्
हामी जस्तालाई त अलपत्रमा पार्छन् ।
७. दोष दिनु कसलाई
भाग्यमा ग्रहण लागेपछि ।
८. अब अति भयो, सहने शक्ति चाहियो
विश्वासमा धेरै धोका खाइयो ।
९. राम्रो बन्नलाई होइन
राम्रो बनाउनलाई सोच्नु पर्छ ।
१०. मेरो आँखाले
दुःख मात्र नियाल्छ ।
सुजिता के.सी., फर्पिङ, काठमाडौँ ।