” झरदेखि झरनासम्म , हाम्रो यात्रा सागरसम्म ”
१.
डाक्टर भन्छ औषधि खा खाएसम्म ठिक्क
औषधि खान छाड्यो पहिलेभन्दा बढि दुखेर दिक्क ।
२.
डाक्टरले औषधि लेख्यो पसलेको बढ्यो धन्दा
रोग निको भएको होइन दिक्क भए अरु खाउ भन्दा ।
३.
खोजी रहन्छौ तिमी सधैं नयाँ नयाँ दाउ
कसरी पारौँ भनी मेरो कलेजीमा घाउ?
४.
लाग्छ कुनै गहिरो सोच मा दुबेकी छौ
अब भन के तिमीले मेरो कुरा बुझेकी छौ ।
५.
भोक लाग्यो भन्दैमा काँचै खान भएन
नाइ भन्ने केटीलाई बल्जफ्ति लान भएन ।
६.
जस्को त नाम नै यहाँ काफी छ
उस्कै गल्ति सधैं यहाँ माफी छ ।
७.
हामीले नहेरेसम्म त्यो श्रृङ्गारको के काम
रुपवतीहरूको माझ आउँदैन है तिम्रो नाम ।
८.
मलाई त मन पर्यो तिम्रो जिस्किने बानी
प्यास लाग्यो तिर्ख मेट्न देउन है पानी ।
९.
आफू भित्रै आगो दन्किरहेछ बाहिर के ताप्नु
कति पुगेछ तापक्रम कुन यन्त्रले नाप्नु ।
१०.
मुक्तक र गजल कोर्दै झर तिर उक्लिदैछु
हेरुँ यो यात्रा कति सफल हुन्छ लम्किदैछु।
सुरेश वैद्य, काठमाडाैँ ।
