” झरदेखि झरनासम्म , हाम्रो यात्रा सागरसम्म ”
झरना: (१० झर)
१. देखावटी पनको विरुद्धमा कुर्लन मन लाग्छ ।
आश्वासनको सुन्दर महल भत्काउन मन लाग्छ ।
२. ठोकिँदै फर्किन्छन् न्याय नपाइ आवाजहरु ।
किन भत्कदैनन् यस्ता अनगिन्ती पर्खालहरु ।
३. अगाडि बढेका पाइलाहरुमा ठेस लाग्दा ।
पिरोल्छ मन नदेखिने सुइरोले रोप्दा ।
४. जसरी मिल्न सक्दैनन् खोलाका दुई किनार ।
रात र दिनको मिलन पनि कहाँ भएको छ र ।
५. नियम बनाउनेहरुले नियम भत्काएपछि ।
आशा कस्को गर्नु निराशा पलाए पछि ।
६. कता हरायो घरको साँचो ।
बुझ्नुपर्ने घरमा केको छ खाँचो ।
७७. हतियारले बनाएको घाउ निको हुन सक्छ ।
बचनले बनाएको घाउ बल्झि रहन्छ ।
८. दु:खमा सधैं रुने गर्छ सुख लुकाउछ ।
अौसरबादी रहेछ ऊ मनलागेको गर्छ ।
९. सुनाउँदा सुनाउँदै आफ्नै ब्यथाहरु पनि ।
रोचक कथाझैं लाग्दो रहेछ नी ।
१०. आफ्नो मनले बोल्न सके केहि फरक हुन्थ्यो ।
सुगा हो विचरा ऊ सिकाए जति जान्दथ्यो ।
समुन्द्रा शर्मा, ईटहरी
