तितोपाटी- मलेसिया सरकारले त्यहाँ रोजगारीमा रहेका नेपालसहित विदेशी कामदारलाई निःशुल्क कोरोना भाइरसविरुद्धको खोप लगाउने भएको छ ।
मलेसिया सरकारले अस्थायी रूपमा बसोबास गदै आएका कूटनीतिज्ञ, आप्रवासी कामदार र राष्ट्रसंघीय मानवअधिकार आयोगका कर्मचारीलाई निःशुल्क खोप दिने निर्णय गरेको हो ।
नेपाल, भारत, म्यानमार, इन्डोनेसिया, फिलिपिन्स, भियतनाम, कम्बोडिया, लाओस, थाइल्यान्ड, पाकिस्तान, श्रीलंका र बंगलादेशसहित १७ लाखभन्दा धेरै विदेशी कामदार मलेसिया कार्यरत रहेका छन् ।
वैधानिक रूपमा कार्यरत सबै विदेशी कामदारलाई कोरोना भाइरसविरुद्धको खोप लगाउने मलेसिया सरकारले घोषणा गरेको छ । यही सातादेखि खोप लगाउने अभियान सुरु हुने जनाइएको छ । यस अभियानमार्फत मलेसियामा वैधानिक रूफमा कार्यरत ५ लाख नेपाली कामदारले निःशुल्क खोप लगाउन पाउने छन् ।