तीतोपाटी – प्रतिनिधिसभा विघटनविरुद्ध आन्दोलन गर्दै आएको नेकपाको दाहाल–नेपाल समूहले बिहीबार बिहानैदेखि देशभर विरोध प्रदर्शन गरिरहेको छ । संवैधानिक आयोगहरुमा संसदीय सुनुवाई विनै गरिएको नियुक्ति असंवैधानिक,अलोकतान्त्रिक र प्रतिगामी भएको भन्दै त्यसको विरोधमा नेकपाको प्रचण्ड-माधव समूहले आम हड्ताल आहृवान गरेको हो ।
नेपाल सरकारले संघिय संसद प्रतिनिधि सभा विघटन गरे पछि सिर्जित घटनाक्रमले उग्ररूप लिंदै गएको हो । सरकारको नेतृत्व गरिरहेका प्रधानमन्त्री केपी ओली ग्रुप बाहेक नेकपा प्रचण्ड-नेपाल समुह, अन्य पार्टीहरू तथा सिंगो नागरिक समाजले विभिन्न आन्दोलनका कार्यक्रम गर्दै आएका छन् । यसै क्रममा आज नेकपा प्रचण्ड-नेपाल समुहले देशभर आम हड्तालको आयोजना गरेको हो ।
नेकपा प्रचण्ड–माधव समूहले गरेको आमहड्तालको उपत्यकामा आंशिक प्रभाव परेको छ । देशको राजधानी काठमाडाैं उपत्यकाको रत्नपार्क, गोंगब, कलंकी, सातदोबाटो लगायत क्षेत्रमा उक्त समूहका नेता–कार्यकर्ता भेला भएर विरोधमा उत्रिएका छन्। नेपाल प्रहरीले स्कर्टिङ गरेर समेत केही सार्वजनिक सवारीलाई बाहिर पठाएको छ । उपत्यकाका मुख्य सडकमा प्रचण्ड–माधव समूहका नेता, कार्यकर्ता देखिएका छन् भने भित्री सडकमा सवारीसाधनहरु चलेका छन् । पसलहरु छिटपुटरुपमा मात्रै खुलेका छन् । शैक्षिक संस्थाहरु बन्द गरिएका छन् ।
देशव्यापी आमहड्तालमा बिहीबार देशभर विभिन्न स्थानमा हालसम्म ९३ जना बन्दकर्ता पक्राउ परेका छन् । प्रहरीका अनुसार काठमाडौँबाट ७६, भक्तपुरबाट १ तथा तनहुँबाट १६ जना पक्राउ परेका हुन् । त्यस्तै, देशका विभिन्न स्थानमा सवारीसाधनमाथि अगजनी तथा तोडफोडका घटनाहरु भएका छन् ।
आम हड्तालले बुटवल ठप्प भएको छ भने उता धरानमा बन्दकर्ता र मजदुर वीच झडप भएको छ भने देशका विभिन्न ठाउँमा भएका गतिविधिहरू आउन शुरू भएका छन् ।
